Tabharfaidh an Bhliain Eorpach um Scileanna 2023 ugach úr don fhoghlaim ar feadh an tsaoil lena chur ar chumas daoine agus comhlachtaí páirt a ghlacadh san aistriú glas agus san aistriú digiteach, agus le tacú leis an nuálaíocht agus leis an iomaíochas. Dé Sathairn, an 6 Bealtaine osclóimid doirse ár gcuid foirgneamh mar aon le doirse fíorúla, agus léireoimid aontacht agus dlúthpháirtíocht do mhuintir uile na hEorpa.
Sa Bhruiséil, féadfar cuairt a thabhairt ar cheanncheathrú an Choimisiúin Eorpaigh - foirgneamh Berlaymont - idir 10:00 agus 18:00 an 6 Bealtaine chun tuilleadh eolais a fháil faoin méid a dhéanaimid*. Cead isteach deireanach ar 17:30. Ní gá clárú. Ní ghearrfar aon táille ort.
Déan taiscéalaíocht inár sráidbhailte agus faigh amach an fáth a bhfuil an Eoraip glas, cothrom, oilte, sábháilte agus láidir, sin agus faigh eolas ar an méid atá ar bun againn chun a léiriú go seasann an tAontas leis an Úcráin, #EUStandsWithUkraine. Beidh go leor cluichí agus gníomhaíochtaí ann don teaghlach ar fad agus beidh roinnt duaiseanna le gnóthú. Faigh sracfhéachaint ar an seomra cruinnithe ar an urlár uachtair, áit a ndéanann an tUachtarán von der Leyen agus na Coimisinéirí cinntí a dhéanann difear dúinn go léir; bain lán na súl as an radharc ar an gcathair; tabhair cuairt ar an seomra físe agus neart rudaí eile.
Mura bhfuil tú in ann a bheith linn i bpearsa, bí linn as cibé áit a bhfuil tú! Féach na himeachtaí beo a bheidh ar siúl ar líne agus léarscáil na ngníomhaíochtaí a reáchtálfar ar fud an Aontais le rud éigin i do ghaire féin a aimsiú.
Fiú tar éis Lá na hEorpa, má bhíonn tú sa Bhruiséil ná déan dearmad cuairt a thabhairt ar ár mbuantaispeántas Experience Europe, taispeántas idirghníomhach ina dtugtar léargas ar leith ar ár gcuid oibre, ár dtosaíochtaí agus ár mbeartais, sin agus ar luachanna an Aontais.
*Tabhair faoi deara go mbeimid ag glacadh grianghraf agus ag taifead físeán ag an imeacht seo. D’fhéadfadh sé go n-úsáidfear na grianghraif agus na físeáin le haghaidh gníomhaíochtaí cumarsáide i dtaca le Lá Oscailte an Aontais. Más fearr leat gan bheith sna grianghraif nó sna físeáin, iarr láinnéar ag an seastán ar an tslí isteach go dtí foirgneamh an Choimisiúin. Chun tuilleadh eolais a fháil, féach an ráiteas príobháideachais.
10:00 - 14:00 | Tionscadal VR-Mine
- Berlaymont (Eoraip Sciliúil)
Tá an réaltacht fhíorúil ag teacht go mór chun cinn i réimsí éagsúla ar nós na cluichíochta príobháidí, na hoiliúna tionsclaíche, agus an taighde acadúil. Ceapadh VR-Mine le haghaidh mic léinn mháistreachta, ach tá sé oiriúnach do mhic léinn bhaitsiléara agus do leanaí freisin.
11:00 - 13:00 / 13:00 - 15:00 / 15:00 - 17:00 | Léim ar rothar agus tabhair cuairt ar na tionscadail sa Bhruiséil atá comhchistithe ag an Aontas!
- Berlaymont (Eoraip Láidir)
Féach tionscadail chomhchistithe de chuid an Aontais sa Bhruiséil!
Cad a dhéanann an tAontas? Agus cad a dhéanann sé duitse?
An 6 Bealtaine #EuropeDay, bí linn ar thuras 2 uair an chloig!
Tabharfaidh treoraí gairmiúil ar chamchuairt na Bruiséile thú ar lorg na dtionscadal a thugann beogacht don chathair a bhuí le comhchistiú ón Aontas!
11:00 - 18:00 | Tá tábhacht leis na teangacha!
- Berlaymont (Eoraip Sciliúil)
Tá tábhacht leis na teangacha! Níl aon duine in ann gach ceann de na 24 theanga oifigiúla atá ag an Aontas a fhoghlaim. Mar sin, is tríd an aistriúchán agus an ateangaireacht is féidir le daoine a thuiscint cén difear a dhéanann obair an Aontais dóibhsean. Déanfar ateangaireacht ar na cuir i láthair idirghníomhacha go Fraincis, go hOllainnis, go Gearmáinis, go Béarla agus go teangacha eile. Bain féin triail as an ateangaireacht - beidh saineolaí ann chun cuidiú leat!
14:00 - 19:00 | FoodUnfolded
- Berlaymont (Eoraip Sciliúil)
Faigh blaiseadh dá bhfuil i ndán dár mbia le físeáin réaltachta fíorúla 360° ó FoodUnfolded
An lá go léir | Bí i d’eolaí ar feadh lae le GMSC!
- Berlaymont (Eoraip Sciliúil)
Ar smaoinigh tú riamh ar bheith i d’eolaí? Faigh amach conas a dhéanann taighdeoirí a fuair maoiniú ó Ghníomhaíochtaí Marie Skłodowska-Curie taiscéalaíocht ar na teorainneacha idir solaid, leachtanna agus gáis. Cruthaigh sláthach le do lámha féin i dturgnamh do-shamhlaithe!
An lá go léir | Scéim Tréimhsí Oiliúna Bluebook an Choimisiúin Eorpaigh
- Berlaymont (Eoraip Sciliúil)
Caith seal le lucht déanta beartais an Aontais - eispéireas a d’fhéadfadh do shaol a athrú.
An lá go léir | Seomra Taispeántais Éicilipéad an Aontais
- Berlaymont (Eoraip Ghlas)
Deimhnítear níos mó ná 87,000 táirge agus seirbhís feasta le hÉicilipéad an Aontais. Sa seomra taispeántais beidh tú in ann roinnt díobh a fhiosrú agus tuilleadh eolais a fháil faoi mhisean an lipéid ar mhaithe le geilleagar ciorclach agus truailliú nialasach.
An lá go léir | Lámh chúnta ón gCór Dlúthpháirtíochta Eorpach
- Berlaymont (#EUStandsWithUkraine)
Faigh inspioráid ón dlúthpháirtíocht Eorpach le hÚcránaigh a theith ón gcogadh. Tabharfaidh an cur i láthair eolas duit faoi roinnt tionscadail dheonacha de chuid an aosa óig san iomad tír Eorpach atá ag tabhairt lámh chúnta do mhuintir na hÚcráine in am an chogaidh.
An lá go léir | Erasmus+ Anseo a thosóidh tú ag cur le do chuid scileanna
- Berlaymont (Eoraip Sciliúil)
Lá mór gníomhaíochta agus spraoi do chách. Faigh amach conas cur le do bhuanna agus feabhas a chur ar do chuid tallann le Erasmus+. Buail linn chun léargas a fháil ar dheiseanna Erasmus+ do chách. Eispéireas luachmhar a chuirfidh le do shaol agus a osclóidh d’aigne.
An lá go léir | Dúshlán Súile ar Oscailt
- Berlaymont (Eoraip Shábháilte)
D’fhéadfadh duine ar bith againn a bheith ina íospartach coireachta. Is é is aidhm don dúshlán seo a chinntiú nach mbeidh íospartaigh na coireachta dofheicthe. Suífidh na rannpháirtithe síos agus amharcfaidh siad i súile a chéile gan chaochadh. Teilgfear íomhá a n-aghaidhe ar scáileán ar a bhfógrófar gealltanas a súile a choimeád ar oscailt chun íospartaigh na coireachta a fheiceáil agus chun cuidiú leo.
An lá go léir | Féach leat gníomhaíocht an Aontais ar mhaithe leis an Oideachas Digiteach
- Berlaymont (Eoraip Sciliúil)
Buail isteach chuig seastán na hArd-Stiúrthóireachta um Oideachas, an Óige, Spórt agus Cultúr i bhfoirgneamh Berlaymont an 6 Bealtaine le fáil amach faoi thionscnaimh an Aontais i réimse an oideachais dhigitigh! Tástáil do chuid eolais faoin mbréagaisnéis, tarraing pictiúr agus lig don intleacht shaorga buille faoi thuairim a thabhairt céard atá ann, agus glac páirt inár gceardlanna faoi scileanna digiteacha!
An lá go léir | Páirc na bPailneoirí
- Berlaymont (Eoraip Ghlas)
Gabh isteach i ndomhan eile - todhchaí ár ndomhain féin gan feithidí pailnitheacha. Eispéireas réaltachta fíorúla é seo ar bronnadh duaiseanna air.
An lá go léir | Taispeántas Madra Chustam an Aontais
- Berlaymont (Eoraip Shábháilte)
Tabhair cuairt ar sheastán Chustam an Aontais ag Lá na hEorpa agus cuir aithne ar Blondie, madra custaim as an mBeilg a léireoidh a cuid scileanna bolaíochta le linn taispeántais bheo.
Quiz Twitter ECFIN
11:00 - 12:00
Déan tástáil ar do chuid eolais faoin euro leis an quiz!
An bhfuil a fhios agat cé mhéad tír a úsáideann an euro? An bhfuil tú in ann tír eisithe boinn faoi leith a aithint?
Téigh chuig cuntas Twitter ECFIN (@ECFIN) an 6 Bealtaine ar 11:00 Am Lár na hEorpa agus glac páirt sa quiz.
Ar lorg chaimiléirí na dtrátaí
10:00 - 10:15
Míneoidh fiosraitheoir ó OLAF an chaoi ar nocht an Oifig Eorpach Frith-Chalaoise agus a comhpháirtithe náisiúnta líon mór coireanna tromchúiseacha a bhí á ndéanamh ag drong coiriúil eagraithe. Fuair an drong sin cistí talmhaíochta Eorpacha arbh fhiú beagnach €1 mhilliún iad ar bhealach mídhleathach, cistí a bhí in ainm is a bheith ag dul do tháirgeadh na dtrátaí.
Arbh eol duit gurb iad luachanna an Aontais Eorpaigh: dínit an duine, an tsaoirse, an daonlathas, an comhionannas, an smacht reachta agus cearta an duine? An bhfuil cur amach agat ar stair an Aontais? Faigh eolas faoin méid sin go léir agus níos mó i dteangacha uile an Aontais.
Creideann an Eoraip sa daonlathas agus cuireann sí chun cinn é i ngach réimse oibre. Tugaimid ómós dár luachanna Eorpacha agus caithimid dua lena gcaomhnú. Seasaimid ar son na síochána, an chomhionannais agus na cothroime.
An t-athrú aeráide agus díghrádú an chomhshaoil, is baol iad don domhan féin. Chun na dúshláin ollmhóra sin a shárú, tá sé i gceist leis an gComhaontú Glas don Eoraip geilleagar nua-aimseartha atá iomaíoch agus tíosach ar acmhainní a dhéanamh den Aontas Eorpach.
- An straitéis ‘ón bhFeirm go dtí an Forc’: Ár mbia, ár sláinte, ár bpláinéad, ár dtodhchaí
- What The Food, VICE: faigh amach faoi thionscnaimh áitiúla inbhuanaithe an Aontais
- An Ghníomhaireacht Feidhmiúcháin Eorpach um an Aeráid, Bonneagar agus Comhshaol (CINEA) ag imeacht Doirse Oscailte an Aontais 2023 sa Bhruiséil
- Gníomhaireacht Feidhmiúcháin na Comhairle Nuálaíochta Eorpaí agus na bhFiontar Beag agus Meánmhéide (EISMEA) ag Lá Oscailte an Aontais 2023 sa Bhruiséil
- An Comhshocrú Aeráide Eorpach
- An comhbheartas nua talmhaíochta: 2023-27
- Eispéireas réaltachta fíorúla: Páirc na bPailneoirí
- Taispeántas Soghluaiste Éicilipéad an Aontais
- Oidis agus leideanna chun iasc agus bia mara inbhuanaithe a ithe
- An Ghníomhaireacht Feidhmiúcháin Eorpach um Thaighde (REA) ag Lá Oscailte an Aontais 2023
- Misean an Aontais a choinneáil gar do na saoránaigh
Is í 2023 an Bhliain Eorpach um Scileanna. Ní mór dúinn díriú go láidir ar an oideachas gairmiúil, ar an lucht oibre a uas-sciliú agus lucht oibre nua a mhealladh, ar an bhfoghlaim ar feadh an tsaoil, agus ar chumhacht a thabhairt do dhaoine agus do chomhlachtaí chun páirt a ghlacadh san aistriú glas agus san aistriú digiteach. Tacaímid leis an nuálaíocht agus leis an iomaíochas.
Is féidir leis an Eoraip brath ar thionscal cosanta feidhmiúil nua-aimseartha, ar rialuithe uaillmhianacha ar an teorainn sheachtrach, agus ar bheartas imirce a thugann urraim do chearta an duine. Táimid ag troid ar son an chomhionannais inscne agus na cuimsitheachta agus i gcoinne an idirdhealaithe, agus cosnaímid sonraí pearsanta na ndaoine.
- Ar lorg chaimiléirí na dtrátaí
- Ar mhaith leat breis eolais faoin gcaoi a gcosnaíonn Custaim an Aontais sinn?
- Aontas Custaim an Aontais Eorpaigh: fíricí agus figiúirí
- Coinnigh do shúile ar oscailt chun tacú le híospartaigh na coireachta. Tuilleadh eolais
- Déan deimhin de go mbíonn do chuid sonraí pearsanta sábháilte.
- Todhchaí dhigiteach níos sábháilte a mhúnlú.
- #UnitedInProtection - Faightear an vacsaín: cuirimis vacsaíní ag obair
- #GetScreenedEU - Feachtas ar son na scagthástála le haghaidh ailse
Neartaíonn clár oibre na hEorpa a margadh inmheánach agus airgeadra an euro sa chaoi go ndéantar deimhin de ról an Aontais mar cheannaire domhanda. Is páirtí idirnáisiúnta gníomhach é an tAontas sa bheartas spáis agus sna fionnachtana eolaíocha. Tá sé meáite, freisin, an chalaois a chomhrac agus deis ratha a thabhairt do chách.
- Faigh amach faoi thionscnaimh de chuid an Aontais i do réigiúnsa
- Cuardaigh an léarscáil chun críocha atá incháilithe faoin gCiste um Aistriú Cóir a aimsiú
- WeBalkans
- Comharsana Thoir an Aontais
- Comharsana an Aontais ó Dheas
- Ambasadóirí Óga na hEorpa sa Chomharsanacht
- An Gníomh um Sheirbhísí Digiteacha
- Físchluiche - Aontas Eorpach Digiteach
- An euro
- An tSaoráid Téarnaimh agus Athléimneachta
Tá an tAontas meáite agus aontaithe ar thacaíocht gan teip a thabhairt don Úcráin. Tá tréanchúnamh polaitiúil, airgeadais agus daonnúil á chur ar fáil againn. Táimid ag tabhairt cúnaimh ar an leibhéal slándála agus míleata freisin, mar aon le cosaint shibhialta agus iompar.
